Борбордук шайлоо комиссиясынын маалыматына караганда, Жалал-Абад шаардык кеңешине ат салышкан 7 партиянын арасында КСДП 33,5 пайыз добуш алып, 1-орунга чыкты.

Андан кийин, 2-орунга  25,3 пайыз менен "Өнүгүү-Прогресс" партиясы, 3-орунда 15 пайыз менен "Кыргызстан" партиясы, 4-орунда 13,5 пайыз добуш алып "Ата Журт"саясий партиясы, 5-орунда 9,5 пайыз менен "Республика-Ата Журт" белгиленген 7 пайыздык чектен өткөн. Ал эми 1,6 пайыз менен "Улуу Кыргызстан", 1,5 пайыз алган "Ата-Мекен" партиялары артта калышты.

Эскерте кетсек, 11-декабрда Кыргызстандын 22 шаарында жана айылдык кеңештерде шайлоолор өттү. Жалал-Абад шаардык жергиликтүү кеңешке 7 партиядан 422 талапкер ат салышты. Шаардагы 25 шайлоо участкасында добуш берүү үчүн 35 миң 546 шайлоочу катталган болсо, анын 16 миңден ашууну шайлоого катышты.