Жалал-Абад МТРКнын 25 жылдык юблейине жана 8-декабрь телевидение кызматкерлеринин күнүнө карата салтанат болуп, анда бир катар журналисттер сыйлыктарды алышты.

Мааракени куттуктоо үчүн КР Маданият, маалымат жана туризм министри Түгөлбай Казаков, жергиликтүү бийлик өкүлдөрү келишип, өздөрүнүн каалоо-тилектерин айтышып, бир катар сыйлыктарды тапшырышты. Бул өзгөчө майрамга облустун район-шаарларынан да жетекчилер катышты.

1958-жылы 194 метр бийиктиктеги телемунарасы менен Бишкек телестудиясы ишке киргизилип, 8-декабрь күнү Кыргыз телевидениесинде алгачкы берүү обого чыккан.  Аталган кесиптик майрам 1995-жылы 23-декабрда өкмөттүн №566-токтомуна ылайык бекитилген.

Салтанаттын жүрүшүндө өз ишин так билген мыкты тележурналисттерге атайын сыйлыктар, ардак грамоталар тапшырылып, концерттик программа менен коштолду.