КР Швейцария элчилиги Рене Холенштайн мырза, “Аялдар менен кыздарга карата зомбулукту жашырбайлы” сынагында ТВ/радио, басылма жана мультимедиялык продукция үчүн журналистерге сыйлык тапшырды.

КР Швейцария Элчилиги, БУУ Башкы Катчылыгынын “Аялдарга карата зомбулукту БИРГЕ токтотобуз”, Кыргызстанагы Сорос Фонду,  “Сезим” Кризистик борбору, Кыргызстандагы Интерньюс Нетворк жана Бириккен Улуттар Уюмунун гендердик теңчилик жана аялдардын укуктары менен мүмкүнчүлүктөрүн кеңейтүү түзүмү кызматташтыкта гендердик зомбулукка жана залака келтирүүгө каршы сынак уюштурган.

ЖМК өкүлдөрү жана коомдук ишмерлер арасындагы сынак БУУ Башкы Катчылыгынын “Аялдарга карата зомбулукту БИРГЕ токтотобуз” “Гендердик зомбулукка каршы активдүү 16 күндүк” компания Кыргызстанда жыл сайын БУУнун гендердик теңчилик жана аялдардын укуктары менен мүмкүнчүлүктөрүн кеңейтүү түзүмүнүн координациясы менен өнөктөштөр менен бирге өткөрүлөт. Сынак үч категорияда: телекөрсөтүү/радио уктуруу; басма сөз/интернет басылмалары; блогдор/мультимедиа (фотосүрөт, вирустук видео жана аудио, постерлер) боюнча жүргүзүлдү.

«Акыркы жылдары Кыргыз Республикасындагы Швейцария Элчилиги Кыргызстандагы аялдар менен кыздарга карата зомбулукка каршы эл аралык компанияны колдоп келет. Коомдогу гендердик зомбулукка каршы күрөшүүдө журналисттер менен коомдук ишмерлердин ролу зор, ошондуктан, биз бул демилгени эки жылдан берип колдоп келебиз. Тилекке каршы, гендердик зомбулук дүйнө жүзүндө адам укуктары боюнча эң кеңири тараган зомбулук болуп саналат, бирок, биз биргеликте бул көйгөйдүү жеңе алабыз”,-деп билдирди КР Швейцариянын Элчиси Ренэ Холенштайн мырза.

Сынактын жеңүүчүлөрү:
«Телевидение/радио» Номинациясы
1 орун – Аида Касымалиева
2 орун – Гулжан Алтымышбаева
3 орун – Санжар Эралиев
3 орун – Таалайкул Сыдыкбекова

«ЖМК басма сөз/интернет басылмалары» Номинациясы
1 орун – Дина Кожахметова
2 орун - Аймира Мендеева
3 орун - Анархан Жаныбаева

«Блогдор/мультимедиа» Номинациясы 
1 орун – Бермет Талант
2 орун- Алтынай Балтабаева

Сынактын жеңүүчүлөрү сертификат жана баалуу сыйлыктар менен сыйланышты.