Кечээ, 1-декабрь күнү Жалал-Абад шаардык мэриясы жана жаштар иштери боюнча комитети тарабынан жогорку окуу жайлардын  студенттери жана  мектеп окуучуларынын катышуусунда шаардагы Ленин, Ж.Бакиев көчөлөрүнөн Эркиндик аянтына чейин “Биз СПИД илдетине каршыбыз” деген чакыруулар менен жөө жүрүш өткөрүлдү. Бул боюнча Жалал-Абад шаарынын вице-мэри Айзат Раматиллаева билдирди.

Анын айтымында, СПИД илдетине каршы  күрөшүү күнүнө карата шаар калкына жана жаштарга бир канча түшүндүрүү иштери кароо-сынак акциялар өткөрүлдү. Анын жыйынтыгы менен бүгүн мектеп окуучуларынын жана студенттердин катышуусунда “Биз СПИД илдетине жана баңги заттарга каршыбыз” аттуу ураандар астында жөө жүрүш өткөрүштү.

- Жөө жүрүштүн соңунда Эркиндик аянтында чогулган жаштарга концерттик порограмма коюлуп областтык СПИД илдетине каршы күрөшүү борборунун кызматкерлери тарабынан бул оору боюнча  жаштарга суроолор берилип, оору аны алдын алуу боюнча берилген суроолордун негизинде көптөгөн маалыматтар берилди. Суроолорго туура жооп берген окуучу, студенттерге аталган борбор тарабынан бир катар сыйлыктар тапшырылды, - дейт А.Раматиллаева.