Алдын-ала маалыматтар боюнча “Түштүк ковчеги” чиркөөсүндөгү жана “Рефал” менчик мектебиндеги өрт коопсуздугу эрежелерин сактабагандыктан жана кайдыгерликтен чыккан. Бул тууралуу бүгүн КР ӨКМдин Мамлекеттик өрткө каршы кызматы агенттигинин директору полковник Нуржан Осмоналиев маалымат жыйында билдирди.

“Өрттү өчүрүүдө көп кыйынчылыктарга кабылдык. Ал жерде өрт өчүрүүчү гидранттар жок болуп чыкты. Суу жок. Өрт өчүрүүчү машиналарга суу толтуруу көп убакытты алды. Ал жерде жарыктандыруу үчүн дизель генераторлорун да колдонушат экен. Аларга куюла турган 200 литр күйүүчү май жер төлөөдө сакталыптыр. Генераторлорду эл жайгашкан имаратта орнотууга болбойт, бул өтө коркунучтуу, алар башка жайга орнотулушу керек болчу”-деди Н.Осмоналиев.

Ал ошондой эле өрт коопсуздугун сактабаган жетекчилерге чара көрүү керектигин белгиледи.

"Кабар" МА.