Бүгүн күндүн экинчи жарымында «норманд төрттүгү» өлкөлөрүнүн (Франция, Германия, Орусия жана Украина) ТИМ башчылары Минскте жолугат. Бул маалыматты ТАСС агенттигине Беларустун Тышкы иштер министрлигинен ырасташкан.

Мурдараак өлкөнүн тышкы саясат мекемесинин басма сөз катчысы Дмитрий Мирончик Украинадагы абалды жөнгө салуу боюнча сүйлөшүүлөрдүн өтүшүн камсыздоого Минск дайыма даяр экенин жана ал өлкө приоритеттеринин бири экенин белгилеген. Буга чейин Минскте Донбасстагы абалды жайгаруу боюнча Байланыш тобу менен анын тематикалык бөлүмдөрүнүн жолугушуулары өтүп келген.