Быйыл 1-декабрда белгиленүүчү Бүткүл дүйнөлүк СПИД илдетине кашы күрөшүү күнүнө карата жарыяланган “Адам укуктарынын жалпы жеткиликтүүлүгү” урааны менен бир айлык акциянын алкагында шаардык тийиштүү кызматтар ар кандай иш-чараларды күчөтүп жатышат. Бул тууралу облустук Үй-бүлөлүк дарыгерлер борборунун жетекчисинин орун басарынын убактылуу аткаруучусу Азимбү Бакирова билдирди.

Анын айтымына караганда, мурдатан бекитилген пландын негизинде шаардагы бардык мектептердин мугалимдери жана окуучулары арасында түшүндүрүү иштери жүргүзүлдү.

-Облустук үй-бүлөлүк медицина борборунун, шаардагы үй-бүлөлүк дарыгерлер тортолрунун дарыгерлери тарабынан Жалал-Абад шаарынын бардык мектептеринде мугалимдер арасында тийиштүү түшүндүрүү иштери алып барылып, 9-11-класстагы окуучуларына лекциялар окулду жана 2000 окуучуга тандалып алынган темада диктант жаздырылды.Ошондой эле,шаардын 19 мектебинин социалдык педогогдорунун катышуусу менен семинар өтүп, ушундай эле СПИД боюнча мектептердин мугалимдерине да кошумча семинар өткөрүлгөн,-дейт ал.

Алынган маалыматка караганда,”Энеден балага жугуусу”, “ВИЧ/СПИД учурунда кодулоо жана басмырлоо” деп аталган санитардык баракчалар чыгарылып,10 миң даана баракча элге таркатылган.