Казакстан төрт жылдан кийин жарандар үчүн дактилоскопиялык жана геномдук  каттоодон өткөрүү тартибин киргизүүнү пландоодо. Парламенттин төмөнкү палатасына мыйзам долбоору тааныштырылды. Документ кабыл алынса, Казакстан эл аралык милдеттенмелерин аткарат жана адамдын тек-жайын тактоо жана топтоо жеңилдейт.

Ички иштер вице-министри Рашид Жакуповдун айтымында, тек-жайды ырастоочу документтерди алууда дактилоскопиялык каттоодон өтүү (манжа издерин электрондук сканерден өткөрүү) каралган. “Ошол эле маалда 12 жаштан 16 жашка чейинки балдар паспорт алып жатканда өз каалоосу же ата-энесинин макулдугу менен дактилоскопиялык каттоодон өтөт”-, деди ал.

Мыйзам долбооруна ылайык, дактилоскопиялык каттоодон өтпөгөндөр айыппул төлөшөт. Чет өлкөлүк атуулдар баш тартса депортация болушат. Дактилоскопиялык маалыматтарын берүүдөн баш тарткан казакстандыктарга тек-жайын ырастаган документтер берилбейт.

Мыйзам долбоорун 2018-жылдан тарта жүзөгө ашыруу үчүн 36,8 миллион теңге (100 миллиондон ашуун доллар) керектелет.

Геномдук жана дактилоскопиялык маалыматтарды чогултуу жарандардын тек-жайын ылдам аныктоого жол ачып, жасалма документтерди жасоого бөгөт коет.