Казакстан премьер-министри Бакытжан Сагинтаев өкмөттүк жыйында Астанада жааган кардан кийин пайда болгон автоунаа тыгынына ачуусу келди.

Өкмөт башчы Сагинтаев шаар акимине кайрылып, бул маселеден улам шаардыктар жумуштан кечигип жатканын айтты. Премьер-министр калааны кардан арылтуу боюнча эч кандай даярдык көрүлбөгөнүнө нааразы экенин билдирди.

Астана акими Асет Исекешев шаардын көчөлөрүн тазалоо боюнча күнү-түнү иштер жүрүп жатканын айтты. “Биз даярданганбыз. Учурда негизинен жолдор таза. Бирок ири өлчөмдө кар жаап таштаганына байланыштуу тыгын бар”,-деди аткаминер. Акимдин белгилешинче, аба-ырайынын кескин өзгөрүшүнө байланыштуу авариялардын саны өсүүдө. Бир сутка ичинде эле Астанада жүзгө чукул жол кырсыгы катталды.

Астана акимчилиги маалымдагандай, бүгүн шаар көчөлөрүн кардан арылтууга 300дөн ашуун атайын техника тартылды.