Жалал-Абад Патрулдук милициясы Жалал-Абад шаарынан атайын ок атуу талаасына чейин 20км аралыкты чуркап  өтүшүп, белгиленген аймакка жеткен соң  алар кесиптик даярдыгын арттыруу маскатында ок атуунун эрежелерин эске салып автомат Калашников жана Макаров тапанчасынан ок атышты. Бул тууралуу ОИИБнын басма сөз кызматы билдирди.

Алынган маалыматка караганда, бул иш-мерчем Жалал-Абад ОИИБ тарабынан бекитилип, анда ок атуунун эсебинин жыйынтыгы менен мыкты упайларга ээ болгон кызматкерлерди да аныкташты. Мындан сырткары, спорттук мелдештер жана талаа ашканасы уюштурулду.

“Иш-чаранын негизги максаты – өздүк курамдын кесиптик чеберчилигин жогорулатуу болуп саналат. Айта кетүүчү жагдай, мындай машыгуулардын үзүрү менен Жалал-Абад облустук ички иштер башкармалыгы ок атуу боюнча республикалык  мелдештерде акыркы эки жылдан бери  1-орунду камсыздап келет”, - деп билдирет ОИИБнын басма сөз кызматы.