Чаткал районунун Терек-Сай айыл аймагына караштуу Кызыл-Токой айылында «Түшүм майрамы» өткөрүлдү. Бул тууралуу райондун акими Канжарбек Эшалиев билдирди.

Анын берген маалыматына караганда, А.Мырзагулов атындагы айылдык маданият үйүндө салтанаттуу жыйын болуп, анда райондогу мал чарба тармагында   иштеген алдыңкыларга райондук жана облустук ардак грамоталар, акчалай сыйлыктар берилди.

Түшүм майрамында райондогу айыл жана мал чарба продукцияларынын жармаңкеси өткөрүлүп, анда дыйкандар өздөрү өндүргөн продукцияларын сатыкка алып чыгышты.