Жалал-Абад облусунда 10- 17-ноябрь күндөрү жаштар жумалыгы өткөрүлөт. Бул тууралуу өкмөттүн Жалал-Абад облусундагы ыйгарым укуктуу өкүлчүлүгүнөн билдиришти.

Алынган маалыматка караганда, жаштар жумалыгы 10-ноябрь –  Жаштар күнүнө, 17-ноябрь – Эл аралык студенттер күнүнө карата жаштар арасында ынтымакты бекемдөө, жаштар кыймылдарын интеграциялоо, ошондой эле жаштар саясатын андан ары өнүктүрүү максатында өткөрүлүп жатат.

Жаштар жумалыгы 10-ноябрда Барпы театрында ачылып, концерттик программа жана «Тамашоу» лигасынын 5-сезонун уюштурулуп, жаштар иштери боюнча долбоорлордун бет ачарлары болот.  Бул жумалыктын алкагында жаштар арасында интеллектуалдык оюндар өткөрүлүп, окуу жайларда жаштар маселесине арналган илимий конференциялар уюштурулат. Бул жумалык 17-ноябрда «Жаштар кечеси-2016» аземи менен жыйынтыкталат.