Жалал-Абад шаарынын калкынын үй жана айыл чарбы жаныбарларынын “Сибир” жана “Кутурма ” ооруларынын эпдемиологиялык жана эпизотиялык абалы жана анын алдын алуу боюнча боюнча бүгүн шаардык мэрияда отурум өтүп, ага ветеринардык жана фитосанитардык эпидемилогиялык көзөмөлдөө башкармалыгынын адистери жана мектеп мугалимдери катышты. Бул тууралуу шаардын  вице-мэри Айзат Раматиллаева  билдирди.

Анын айтымында,  шаар аймагындагы жашаган  калк арасында ар түрдүү жугуштуу ооруулардын алдын алуу максатында үй жана айыл чарба жаныбарларынын сибир жарасы күйдүргү жана кутурма ооруларынын катталышын алдын алуу жана жаш балдарга ал боюнча мектептерде да түшүндүрүү иштерин алып баруу боюнча бүгүнкү күндө мугалимдерге эскертилүүдө. “Ушуга байланыштуу 8-ноябрдан 16-ноябрга чейин атайын адистердин катышуусунда комиссиялык курам түзүлүп калк арасында түшүндүрүү иштери жүргүзүлөт”, -  дейт ал.

Шаардык ветеринардык жана фитосанитардык башкармалыгынын башчысы  М. Иманкуловдун айтымында, бүгүнкү күндө шаарда “Сибир жарасы” жана “Күйдүргү” ооруусу боюнча эпизотиялык абал туруктуу. “Бүгүнкү күнгө чейин шаарда 7 миңге жакын үй жаныбарлары эмдөөдөн өтүп, вакцина менен камсыз болгон дейт”,- М. Иманкулов.