Расмий Берлиндин пикиринде,  азырынча Орусиянын алдыңкы индустриялуу өлкөлөрдүн чөйрөсүнө кайтаруу үчүн өбөлгөлөр жок.

“Немецкая волна” үналгысы "G8 форматы мерт болду" деген цитатаны жарыялады.

10-апрелде Германиянын ТИМ министри Франк-Вальтер Штайнмайер Орусиянын “Чоң сегиздикке” кайрадан кайтып келишинин башкы шарты – Украинанын чыгышындагы чыр-чатакты жөнгө салууга салым кошуу жана Сирия боюнча тынчтык сүйлөшүүлөрүндө “конструктивдүү” ролду ойноо экендигин белгиледи.

"Чоң сегиздик” форматы Орусия украиналык Крым жарым аралын аннексиялап алгандан кийин жоюлган. 2014-жылдан тартып Улуу Британия, Германия, Италия, Канада, Франция, АКШ жана Жапония Орусияны кошпой өздөрүнчө жолугуп келе жатышат.