Жалал-Абад шаарында өткөн маданият кызматкерлеринин майрамдык салтанатында КР Өкмөтүнүн Жалал-Абад облусундагы ыйгарым укуктуу өкүлү Кыянбек Сатыбалдиев куттуктоо сөзүн сүйлөп, мындан ары да маданият кызматкерлерине колдон келген жардамды бере тургандыгын баса белгилеп кетти.

- Мен Жогорку Кеңеште депутат болуп иштеп турганда КР Маданият министри болуп Түгөлбай Казаков жаңыдан дайындалып жаткан мезгилде ага кайрылып:  бала ыйлабаса, сүт бербейт, бюджетиңиз канча? деп сурагамын. Ал бюджетин айтты. Чындыгында ал бюджет менен биз Кыргызстандын маданиятын көтөрө албайбыз. Анан депутаттар чогулуп, министрге сунуш бергенбиз. Сиз такай талап кылып, бюджетти 4-5 эсе көтөргөнгө аракет кылбасаңыз, бизде маданият тармагы көтөрүлбөйт дегенбиз. Чындыгында министр мойнуна алды. Кичинекей бюджет менен эч качан маданият тармагы өзгөрүлбөйт, алдыга да жылбайт. Ошол секбептен, Жогорку кеңештин депутаттары, Кыргызстандагы маданият тарамгы аксап жатканын бардыгы көрүп турат. Муну бардык депутаттар айтып жатат. Айыл жерлерине барсаңар маданият үйлөрдүн абалы абдан нача десем, мен жаңылышпайм. Бюджет дайым тартыш боло берет, ошого карбай такай талашып-тартышып бюджетти көтөрбөсө болбойт. Бирок, биз да ага карбастан, маданиятты көтөргөнгө  колдон келген аракетибизди жасайбыз, - деди К.Сатыбалдиев.

Маданният кызматкерлеринин майрамына карата жаш балдардын даярдаган концертик программасы жакшы деңгээлде болгондугун өкүл өз сөзүндө баса белгилеп кетти.