Ташкентте өзбек ишкерлери менен шаардык администрация, генералдык прокуратура, бажы комитети, юстиция министрлиги, ИИМ жана Либералдуу-демократиялык партиянын өкүлдөрүнүн ортосунда “ачык сүйлөшүү” орун алды.

Жолугушууга Ташкент шаары жана Ташкент облусунан беш миңдей ишкер катышты. Аларга “эркин микрофон” жана суроо узатуу, көйгөйлөр менен ишкердикти жакшыртуу боюнча сунуштарды айтуу мүмкүнчүлүгү берилди.

Ишкерлер негизинен экономикалык жана каржылык көйгөйлөрдөн улам бизнестин жабылуусу, бюрократизм, көптөгөн текшерүүлөр, накталай акчанын тартыштыгы сыяктуу көйгөйлөрдү ортого салышты.

Аткаминерлер суроолордун көбүнө жооп беришти, бирок жеке маселелерди териштирүү үчүн кат түрүндө кайрылууну сурашты.