Быйылкы жылдын үч чейрегинин жыйынтыгы менен шаар аймагында жайгашкан кичи жана орто ишканалар, жеке ишкерлер тарабынан өткөн жылдын ушул мезгилине салыштырмалуу өндүрүш көлөмүнүн өсүшүнө алда канча жогору. Бул тууралуу шаар мэриясынын аткаруу комитетинин жыйынында айтылды.

Мэриянын аткаруу комитети быйылкы үч чейректеги өндүрүш көрсөткүчтөрүн талдоо менен кичи жана орто ишканалар тарабынан 156,1 миллион сомдук продукция өндүрүлүп, өткөн жылга салыштырмалуу 29,6 миллион сомдук продукцияны көп өндүрүүгө жетишкендиктерин белгиледи. Башкача айтканда, алар тарабынан өндүрүлгөн продукциянын көлөмү 123,4 пайызга өскөн.

Ал эми жеке ишкерлер тарабынан 37,7 миллион сомдук продукция өндүрүлүп, өткөн жылдын ушул мезгилине салыштырмалуу 3,1 миллион сомдук ашыкча продукция өндүрүлгөн жана өсүү темпи 106,7 пайызга камсыз кылынган.