Өзбекстандын 50 жаштагы жараны  Зайнаб Рахманова Орусия чек арасын мыйзамсыз кесип өткөнү үчүн алты айга эркинен ажыратылды. Ал белгисиз адамга 1200 миң АКШ долларын төлөп, бул өлкөгө  кирген.

Зайнаб Рахманова буга чейин Орусиядан депортацияланган, бирок мыйзамсыз жол менен кайра кирүүгө аракет жасаган.

Омск прокуратурасы кабарлагандай, ал июлда миграциялык мыйзамдарды сактабагандыгы үчүн Өзбекстанга депортация болгон. Орусияга кирүүгө 10 жылга тыюу салынган. Бирок бир ай өтпөй ал белгисиз адамга 1200 АКШ долларын төлөп, чек араны кесип өтүп баратканда кармалган.

Көзөмөл органдын билдиришинче, соңку кездерде орус-казак чек арасын мыйзамсыз кесип өткөн өзбек жана тажик жарандарынын саны артууда.