Быйылкы жылдын тогуз айынын жыйынтыгы менен Жалал-Абад шаарында ички инвестицияларды тартуу көлөмү өткөн жылдын ушул мезгилине салыштырмалуу 357,1 миллион сомго артты. Бул тууралуу шаар мэриясынын экономикалык өнүгүү бөлүмүнүн башчысы Салижан Умаров билдирди.

Анын айтымында, өткөн жылдын тогуз айында шаарга 1 миллиард 374,8 миллион сомдук көлөмдөгү ички инвестициялар тартылса, быйылкы жылы анын көлөмү 1 миллиард 731,9 миллион сомго жеткен жана 126 пайызга өсүш берген.

- Бизде негизинен өнөр жай тармагына тартылган инвестициялар көлөмү 36 миллион 485,8 миң сомду, айыл чарба тармагына тартылган инвестициянын көлөмү 318 миллион 79,8 миң сомду, соода жана акылуу кызмат көрсөтүү тармагына тартылган инвестициянын көлөмү 471 миллион 911,8 миң сомду, социалдык тармакка тартылган инвестициянын көлөмү 261 миллион 668,1 миң сомду, калган тармактарга тартылган инвестициянын көлөмү 643 миллион 783,5 миң сомду түзгөн. Бул, албетте, өткөн жылдын тогуз айына салыштырмалуу кыйла көп, - дейт Салижан Умаров.

Ошондой эле, быйылкы тогуз айда шаардагы социалдык тармакка тартылган тышкы инвестициянын көлөмү 12 миллион 536,6 сомду түзгөн.