Жалал-Абад шаардык мэриясынын 20-октябрында чыккан токтомунун негизинде абоненттердин санын көбөйтүү, дебитордук карыздарды азайтуу жеке менчик иш алып барып жаткан мекемелерде таштанды акысын өз убагында төлөө максатында “Жалал-Абад тазалык” муниципалдык мекемеси шаар аймагына рейд жүргүзүп жатат.

Жалал-Абад шаардык тазалык ишканасынын абоненттик төлөм  бөлүмүнүн башкы адиси Бактыгүл Пратованын айтымында, учурда шаардын тазалыгын сактоо максатында шаардык мэриянын атайын токтому менен тазалык ишканасы тарабынан атайын комиссиялык курам түзүлүп шаардагы Москва, Абрахманов көчөлөрүндөгү буга чейин таштанды акысын убагында төлөбөй келген бир катар жеке менчик мекеме ишканаларда жана соода жайларында төлөмдөрдү өз убагында төлөө боюнча түшүндүрүү иштери жүргүзүлүүдө.

- Андан тышкары өткөрүлүп жаткан рейд учурунда мекеме-ишкананын же соода түйүндүн биздин тазалык ишканасы менен бирге буга чейинки убакытта келишимдери жок болсо аларга кыдыруу учурунда мекеменин жалпы аянтын эсепке алып жеринде келишимдер түзүлүүдө, -  дейт ал.