Үстүбүздөгү жылдын 17-октябрь күнү саат 20:30 чамасында Сузак районунун Масадан айылында Ырыс айылынын 1991-жылы туулган М.Г.ны белгисиз автоунаа уруп кетип,  окуя болгон жерден качып кеткен. Бул тууралуу Жалал-Абад ОИИБнын басма сөз кызматы билдирди.

Алынган маалыматка караганда, натыйжада жабырлануучу кыз алган жараатынан улам Сузак аймактык оорукананын жандандыруу бөлүмүнө түшкөн. Маалымат түшөрү менен патрулдук милициянын өкүлдөрү ыкчам аракеттерди өз убагында жүргүзүшкөн.

“Натыйжада, окуя болгон аймактын төрт тарабы курчоого алынып, Жалал-Абад облустук Патрулдук милициянын башчысы, милициянын майору Кылычбек Рысбаев өзү баш болуп кылмыш изин суутпай качып бараткан жеринен Мерседес үлгүсүндөгү автоунаа жана анын Сузак районунун Таш-Булак айылынын тургуну 1974-жылы туулган  айдоочусу менен кошо кармады”, - деп билдирет басма сөз кызматы.