Депутаттардын Жалал-Абадда шаардык кеңешинин кезексиз 38-сессиясында депутаттар жыл бою үнөмдөлгөн каражаттарды зарыл объекттер жана субъекттерге кайра бөлүштүрүү тууралуу токтом кабыл алышты. Үнөмдөлгөн каражаттарды шаарды өнүктүрүү зарылчылыктарына натыйжалуу жумшоо жагын шаардын мэриясына тапшырышты.

Сессияда тийиштүү маселе боюнча чыгып сүйлөгөн шаардык каржы бөлүмүнүн башчысы Азамат Раматиллаевдин билдиришинче, жыл башында ар кайсы жумуштарды аткарууга шаардык бюджеттен тийиштүү каражаттар бөлүнгөн. Ал эми ишти аткаруу боюнча тендерлержарыяланып, жасала турган иштердин тендердик баасынын төмөндөшү менен 10 миллион 407 миң 600 сомдук бюджеттик каражаттар үнөмдөлгөн. Эми ошол үнөмдөлгөн каражаттарды шаардагы муктаж объекттер менен субъекттерге берүү зарылдыгы туулду.

Эскерте кетсек, акыркы эки жылда Жалал-Абад шаарында жергиликтүү бюджеттин эсебинен инфраструктуралык кайра жаңыртуу иштери кеңейип, курулуш иштеринин көлөмү жыл сайын 3-4 эсе көбөйүүдө.