Жалал-Абад шаарынын Спутник кичи районунун “Азык Ордо” соода борборунда Кыргыз Республикасынын Юстиция министрлигинин демилгеси менен “КР укук үстөмдүгүн бекемдөөгө көмөктөшүү” долбоору менен биргеликте ишке берилген “Укугуңду бил” акысыз юридикалык жардам берүү акциясы өткөрүлдү.

“Укугуңду бил” акциясынын жүрүшүндө Жалал-Абад облустук юстиция башкармалыгынын алдыңкы юристтери, нотариустар, мамлекеттик каттоо кызматынын адистери бардык каалоочуларга акысыз укуктук жардам беришти.  Мындай акция республкабызда экинчи жолу өтүп жатат. Биринчи жолу консультациялар үстүбүздөгү жылдын 22-23-июнунда юристтер күнүнө карата уюштурулган.

"Элдин укуктук маалымдуулугун жогорулатуу багытында өтүп жаткан бул акциялар “Кыргыз Республикасында укук үстөмдүгүн бекемдөөгө көмөктөшүү” долбоорунун алкагында жана Даниянын адам укуктары институтунун колдоосу менен ишке ашууда", - дейт Жалал-Абад облустук юстиция башкармалыгынын башкы адиси Алмаз Аманбаев.

Анархан Жаңыбаева, “kogart.kg”.