Сирия Орусия менен Батыштын ортосундагы жаңжалдын зонасына айланды. Бул туурасында Сирия президенти Башар Асад “Комсомольская правда” гезитине берген маегинде билдирди. Анын айтымында, соңку айлардагы окуялар Муздак согуштан артык көрүнүшкө ээ болуп жатканын белгиледи.

Орусия бир жыл мурун сирия жаңжалына толугу менен киришип, авиасоккуларды жасоо үчүн бомбалоочуларын жөнөткөн. Алар Сирия аскерлеринин кургактагы аракеттерине колдоо көрсөтүүдө. Натыйжада бул урушта күчтөрдүн балансы Сириядагы башкаруу режиминин пайдасына өзгөрүп жатат. Кошмо Штаттар менен европалык державалар Асадка каршы күрөшкөн козголоңчуларды колдосо да аскер жардамдарын беришкен жок.

Асад орусиялык басылмага берген маегинде Анкаранын “Ислам мамлекети” экстремисттик тобунун жоочуларын Түркиянын Сирия менен чектешкен аймактарынан сүрүп чыгаруу кампаниясына да токтолду. Асад муну Сирияга “кол салуу” деп атады.

Мындан тышкары Асад Сауд Арабия жардам берүүнү сунуштаганын, бирок Сириянын башкы өнөктөшү Иран менен кол үзүү боюнча шарт койгонун билдирди.