Жалал-Абад шаарындагы  мектептерде ички иштер органдары, улуттук коопсуздук кызматы, диний чөйрөдөгү кызматкерлер менен биргеликте диний экстремизмге каршы күрөшүү боюнча жолугушуулар өткөрүлдү.

Бул тууралуу маалыматты Жалал-Абад шаардык билим берүү бөлүмүнүн кадрлар бөлүмүнүн адиси Манап Абдыраимов билдирди.

Анын айтымында, түшүндүрүү иштери Кыргыз республикасынын диний чөйрөсүндөгү мамлекеттик саясатынын концепсиясын билим берүү мекемелеринде ишке ашыруу максатында 2016-2017-жаңы окуу жылында диний экстремизмге каршы бөгөт коюу багытында өтүп, ага мектеп окуучулары ата-энелери менен чогуу катышты.

“Түшүндүрүү ишин жүргүзүүнүн негизги максаты – диний экстремизмди күчөтпөй, алдын алуу болуп саналат. Диний экстремизм маселеси азыркы учурдун актуалдуу темасына айлангандыктан, биз мындай жолугушууларды ар квартал сайын уюштуруп турууну чечтик. Мындан ары дагы окуучуларга түшүндүрүү иштери тынымсыз жүргүзулүп турмакчы,-дейт ал.