Президент Алмазбек Атамбаев 12-октябрда Грузияга эки күндүк расмий сапары менен барып, эки тараптуу жолугушууларды өткөрөт. 14-октябрда Арменияга барып, Жамааттык коопсуздук келишим уюмунун Коопсуздук кеңешинин жыйынына катышат. Бул тууралуу президенттик аппараттын басма сөз кызматы билдирди.

Маалымдалгандай, мамлекет башчы тышкы иштер министри Эрлан Абдылаевди жана президенттик аппарат башчысынын орун басары, тышкы саясат бөлүмүнүн жетекчиси Сапар Исаковду кабыл алып, алдыдагы эки сапарды талкуулады.

Жолугушууда Атамбаев өлкөнүн тышкы саясатынын негизги багыттарын өнүктүрүү боюнча жүргүзүлүп жаткан иштер жана негизги артыкчылык багыттары тууралу маалыматтарды укту.