Жалал-Абад шаарынын мектептеринде диний экстремизм тууралу түшүндүрү иштери жүрүп жатат. Бул тууралуу Жалал-Абад шаардык мэриясынын социалдык коргоо бөлүмүнүн адиси Салтанат Алтынбекова билдирди.

Анын айтымында, аталган иш-чара окуучулардын, коомдун эртеңки тагдыры үчүн өтө маанилүү.

- Азыркы учурда бүтүндөй дүйнө-жүзүндө диний экстремизм өтө курч маселеге айланууда. “Экстремизм” деген сөз өзү латын тилинен алынып, бизче чектен чыккан деген түшүнүктү берет. Биздин келечектеги жаштарыбызды чектен чыккан көз караштан, ошондой эле радикалдуу аракеттерден алдын ала сактоо максатында бул түшүндүрү иштерин шаардык мэрия, Мамлекеттик улуттук коопсуздук комитети, ошондой эле шаардык билим берүү мекемеси жана казыят менен биргеликте колго алганбыз. Көбүнчө окуучуларга видео-тасмалар көргөзүлүп, түшүндүрүлүп жатат. Түшүндүрүү иштери шаардын бардык 21 мектептеринде жүргүзүлөт, - дейт ал.  

Эске сала кетсек, Жалал-Абад шаарынын мэриясы мамлекеттик улуттук коопсуздук комитети, ошондой эле шаардык билим берүү бөлүмү жана облустук казыят менен бирдикте буга чейин да ар кайсы маселелер боюнча чогуу аракеттерди жүргүзүп келет