Бүгүн, 5-октябрь күнү КР Маданият, маалымат жана туризм министринин буйругу менен Жалал-Абад облустук мамлекеттик телерадиокомпаниясынын башкы директору болуп ЭлТРде иштеген Тургунбай Алдакулов дайындалды. Бул тууралуу аталган телеканалдан билдиришти.

Жаңы жетекчиини коллективине тааныштыруу үчүн КР Маданият, маалымат жана туризм министрлигинин алдындагы Маалымат жана массалык коммуникациялар департаментинин директору Бактыгүл Ноорузбаева келди.

Ал эми ЖТРдин мурдагы жетекчиси Куттумидин Базаркулов кайсы кызматты аркалап калаары азырынча белгисиз.

Бул мезгилге чейин ЖТРКдин жетекчиси К.Базаркуловго байланыштуу бир топ чыр маселелер массалык маалымат каражаттарында жазылып, “жетекчисин качан алмаштырышат?” - деген ар түрдүү пикирлер айтылып келген болчу.