Айрым маалыматтарга караганда, Жалал-Абад облустук мамлекеттик телерадиокомпаниясынын башкы директору Куттумидин Базаркулов кызматынан кетип, анын ордуна ЭлТРде иштеген Тургунбай Алдакулов дайындала турган болуп калды.

Азырынча ЖТРдин башкы директору К.Базаркулов өзү кызматтан алына тургандыгы боюнча маалыматы жок экендигин билдирди. Ал эми КР Маданият, маалымат жана туризм министрлигинин жооптуу жетекчисинин берген маалыматына караганда, бүгүн, 5-октябрда ЖТРге атайын түзүлгөн комиссия барып, жаңы жетекчини коллективине тааныштырат. Комиссия качан барары жана ким бул кызматка дайындалары азырынча белгисиз.

Бул мезгилге чейин ЖТРдин жетекчилигине байланыштуу бир топ чыр маселелер массалык маалымат каражаттарында жазылып, “жетекчисин качан алмаштырышат?” - деген ар түрдүү пикирлер айтылып келген.