Жалал-Абад ОИИБнын «Мекеним менин-Кыргызстан” долбоорунун негизинде “Карысы бардын -ырысы бар” аталыштагы атайын иш чаралар түзүлүп, облустун аймагындагы жардамга муктаж болуп турган карыяларга колдоо көрсөтүү уюштурулууда.

Облус боюнча жалпысынан ички иштер органынын 90 ардагерине, облустук карыялар үйүнүн 92 жашоочусуна карыялар күнүнө карата белектер берилди.

Жалал-Абад ОИИБгы тарабынан кары-картан, жардамга муктаж, 100 жашка чыккан атуулдарга 10 баш кой алынып, карыялар үйүнө, дүлөйлөр жана азиздерге тамак аш, азык заттары менен берилди. Ал эми жер-жердеги ШРИИБдөрү тарабынан жалпысынан 75 ардагерге ар кандай жардамдар, 5 тонна көмүр, 4 куб отун, тамак аш жана таттулар жеткирилди.

Спорттун баскетбол түрүнөн Жалал-Абад ОИИБнын Ардагерлер кеңешинин кубогу өткөрүлдү. Ага 10 топтон куралган курама командалар катышып, ачык асман алдында күйөрмандарга кызуу оюн тартуулашты.

“Ал эми 2-3-4-октябрь күндөрү облустук башкармалыктын жетекчилери аймактардагы ардагерлердин үйлөрүнөн жеке өздөрү да кабар алышты. Бул иш чара дагы да уланууда”, - деп билдирет ОИИБнын басма сөз кызматы.