Ала-Бука районунун 1-Май айыл аймагынын тарыхындагы ири экономикалык долбоор ишке ашырылды. Аталган айыл аймакта асфальт-бетон заводу курулуп, пайдаланууга берилди. Бул тууралуу 1-Май айыл аймагынын башчысы Мухтар Шербаев билдирди.

Анын айтымында, асфальт-бетон заводу айыл аймактын Сары-Камыш участкасында курулуп, учурда иштеп жаткан бул завод жылына 45-50 миң тоннага чейин асфальт чыгара алат.

“Демек, жолдорубузду да ондоого убакыт келди. Буга дейре бир нече көпүрөлөр оңдолгон болсо, эмки кезек жолдордо”, - дейт Мухтар Шербаев.