Жалал-Абад облустук Т.Тыныбеков атындагы филармонияда "Асыл-Ай" ден-соолугунан мүмкүнчүлүгү чектелген жарандар коому жана "Бек-Ата капитал инвест" жоопкердиги чектелген коому уюштурган "Тал чыбык минип ойногон, балалык доорун сүрбөдүм" деп аталган концерт болуп өттү.

Аталган концертте мүмкүнчүлүгү чектелген Бекназар Орозалиев жана Абдурауф Шох жеке чыгармачылык таланттарын элге тартуулашты.
Мүмкүнчүлүгү чектелген жаш таланттардын концертине Жалал-Абад УКМКнын башчысы К.Нурбаев жана ОИИБнын башчысы Ж.Жоробеков жана аларды колдоп келген маданият өнөрпоздору катышты. 

Концертин ачылышында укук коргоо органдарынын башчылары мүмкүнчүлүгү чектелген Б.Орозалиев жана А. Шохтун чыгармачылык талантына баа беришип, тагдырдын сыноосуна капа болбой, мындан нары алга умтулуп, ийгиликтерге жетип, эч убакта кайгырбай жүрүүсүн жана ар дайым укук коргоо органдары тарабынан колдоо көрсөтүлөөрүн айтышып, чыгармачылык ийгилик каалашты.

Концерттин жыйынтыгында улут ынтымагын чыңдаган жаш талантардын жакындары жана достору сахнага чыгып калоо тилектерин айтышты.