Жалал-Абад шаарындагы борбордук базарында эхинококкозду алдын алуу максатында элдерге түшүндүрүү иштери жүргүзүлдү. Бул тууралуу маалыматты Жалал-Абад облустук үй-бүлөлүк медицина борборунун ден-соолук чыңдоо адиси Назгүл Назарова билдирди.

Анын айтымында, аталган оору Жалал-Абад облусунда көп катталууда. Бул оору операция жолу менен гана айыгат. Мунун дарысы жок. Бул дартка чалдыккан адамдар бир жолу гана операция болуп толук айыгып кете алышпайт. Бир нече жолу операция болушу ыктымал.

“Мындай иш-чараны биз жыл сайын өткөрүп келебиз. Анткени коомчулукка эхинококкозду кантип алдын алуу керек экендигин түшүндүрүп беришибиз керек. Төрт айдын ичинде эле Жалал-Абад облусунда эхиноккоз оорусу менен ооруган 45 жаран катталган”,- дейт Н. Назарова.