Таш-Көмүр шаардык милиция кызматкерлери тарабынан кылмыштарды жасаган Аксы районунун 24 жаштагы жараны А.Э. кармалды. Бул тууралуу Жалал-Абад ОИИБнын басма сөз кызматы ббилдирди.

Алынган маалыматка караганда,  2016-жылдын февраль айында  Шамалды-Сай шаарынын тургуну Х.Анын саат 05:00 чамасында уктап жаткан бөлмөсүнө белгисиз кылмышкерлер кирип, 2 даана уюлдук кол телефондорун уурдап качып кеткен. Уурулук жөнүндө Шамалды-Сай айылынын тургуну Х.А арыз менен кайрылган.  Бул факт боюнча  кылымыш иликтөө тарабынан кылмыш иши козголуп, тергөө мөнөтүнө айыпкерди аныктоого мүмкүнчүлүк болбой Кыргыз Республикасынын Жаза процессуалдык кодексинин 221-берене  менен өндүрүштөн токтотулган.

Ошондой эле, 2016-жылдын май айында Шамалды-Сай шаарчасындагы маданият үйүнүн жанында А.Г айымга тиешелүү болгон “ХОНДА-СТЕПВАГОН” үлгүсүндөгү автоунаасынын арткы  айнектерин, белгисиз кылымышкерлер талкалап сыдырып олуттуу зыян келтирип, окуя болгон жерден качып кетишкен. Бул факты боюнча кылмыш иши козголуп, тергөө мөнөтүнө айыпкерди аныктоого мүмкүнчүлүк болбой ЖПКнын 221-берененин негизинде өндүрүштөн токтотулуп турган.

Өндүрүштөн токтотулуп турган кылмыш иши боюнча ыкчам иш аракеттер жүргүзүлүп, кылмышкерлерди аныктоо максатында Таш-Көмүр шаардык милиция кызматкерлери тарабынан кылмыштарды жасаган 24 жаштагы А.Э. экендиги аныкталып, 2016-жылдын 16-сентябрында кылмыш иштер өндүрүштөн жандандырылып, А.Эге карата айыптары угузулуп, 18-сентябрда бөгөт коюу чарасы боюнча  Таш-Көмүр шаардык соту тарабынан 2 айга камакка алуу түрүү колдонулуп, тергөө амалдары жүргүзүлүп, соттун кароосуна жөнөтүлгөнү турат.

Айыпкер А.Э. Аксы районунун тургуну, үй-бүлөсү жок, эч жерде иштебейт. Мурда бир нече жолу мал уруулук кылмышы менен соттолгон, туруктуу жашаган жери жок.