Бул ЕБдин НАТОго кошумча биргелешкен куралдуу күчтөрдү түзүүгө болгон алгачкы кадамы болот. Мындай пикирин 14-сентябрда Европарламенттин Страсбургдагы сессиясында Еврокомиссиянын төрагасы Жан-Клод Юнкер билдирди.

Ал биримдиктин айрым өлкөлөрүнүн армиясы радикал исламчылар менен Орусиянын агрессиясына туруштук берүүгө жөндөмсүз экенин белгиледи.

Анын айтымында, Евробиримдик биргелешкен штабды түзүүсүн Улуу Британия ЕБ курамынан чыккандан кийин баштайт. Жыл соңуна чейин Еврокомиссия бул тармактагы изилдөөлөр жана инновацияларга багытталган Европалык коргонуу фондун ачат.

Майда биримдиктин тышкы саясат боюнча жогорку өкүлү Федерика Могерини Еврошаркеттин биргелешкен куралдуу күчтөрүн түзүү сунушун кабыл алуудан баш тарткан. Кийинчерээк ал коргонуу тармагында кызматташууга чакырган сырткы саясаттагы жаңы европалык стратегияны демилгелеп чыккан.