13-сентябрда Өзбекстан президентинин милдетин убактылуу аткарып жаткан Шавкат Мирзиеёв бир катар жаңы дайындоолор тууралуу жарлыктарга кол койду. Аларга ылайык, премьер-министрдин орун басарларынын бири алмаштырылып, бир министр кызматынан алынды, ошондой эле премьер-министрдин эки орун басарынын ыйгарым укуктары кеңейтилди.

Өлкө премьер-министринин орун басары Каримов Маджит кызматынан бошотулуп, анын ордуна Арипов Абдулла дайындалды.

Касимов Рустам Жогорку жана орто атайын билим берүү министрлигинин башчылыгына барды. Буга чейин ал кызматты ээлеп турган Вахабов Алишер иштен алынды.

Азимов Рустам кайрадан Өзбекстан премьер-министринин биринчи орун басарлыгына бекитилди.

Ошондой эле Икрамов Адхам дагы кайрадан өкмөт башчысынын орун басары кызматына дайындалды.