Жалал-Абад шаарында "Инсан таануу" коомдук бирикмесинин демилгеси, Жаш ишкерлер ассоциациясынын колдоосу астында шаардык жаштар иштери боюнча комитети менен биргеликте көчө китепканасы ачылууда. Бул тууралууЖалал-Абад шаардык жаштар иштери боюнча комитетинин төрагасы Байышбек Ташбаев билдирди.

Анын айтымында, бул көчө китепканасы "Инсан таануу"  коомдук бирикмесинин демилгеси менен буга чейин Бишкек жана Ош шаарларында ачылган.

- Бул жакшы саамалык Жалал-Абад шаарында да уюштурулуп жатат. Анын негизги максаты - коомдогу жаштардын аны менен бирге  улгайган адамдардын арасында да бүгүнкү күндө  китепке болгон кызыгуунун арттыруу, окууга үндөө жана аны жандандыруу. Ошондуктан көчө китепканасын биз атайын Токтогул эс алуу багына коюп жатабыз, анда окурмандар эс алуу менен бирге китеп окууга да мүмкүнчүлүк алышат, - дейт ал.

Көчө китепканасынын ачылышы 2016-жылдын 10-сентябрь күнү саат 15:00дө Эркиндик аянтында өткөрүлөт.