Жалал-Абад шаарынын өнөр ээлери экинчи  дүйнөлүк көчмөндөр оюндарында “Курманбек” драмасын коюу менен баш байгени жеңип алышты. Бул тууралуу Барпы атындагы кыргыз драма театрынын актёр, режиссёру Бакыт Жумалиев билдирди.

- Биз үчүн бул абдан кубанычтуу болду. Анткени бир ай боюу даярданган мээнетибиздин акыбети кайтып,"Тарыхый каармандардан көрүнүш" театрлаштырылган тапшырмасынан жети облустун ичинен биз даярдаган “Курманбек” драмасы баш байгени жеңип алды. Мында негизинен Курманбек баатырдын эрдиги, анын эли-жери үчүн жанын аябаган образы чагылдырылып, көрүүчүлөрдүн, ошондой эле түзүлгөн  коммиссиянын оң баасына татыды. Баш байгени алуунун дагы бир сыры – шаарыбыздын 35 өнөрпоз-актёрлору аталган драмадагы образдарды эң мыкты чеберчиликте аткарышты жана акчалай сыйлыкка ээ болушту, - дейт ал өз сөзүндө.