Жалал-Абад шаарындагы “Ариет” балдардын чыгармачылык борборунун 20 жылдык юбилейи  октябрь айында белгиленет. Бул тууралуу маалыматты аталган борбордун жетекчиси Жыпара Аманкулова билдирди.

Анын айтымында, борбор 1996-жылы 5-октябрда  алгач “Мээрим” фонду деп түзүлгөн. 2011-жылы “Ариет” балдардын чыгармачылык борбору болуп өзгөртүлгөн.

- Быйыл октябрь айында биздин борбордун түптөлгөнүнө 20 жыл болот. Учурда юбилейибизге кызуу даярданып жатабыз. Ага шаар бийлигинен, ата-энелерди, билим берүү башкармалыгынан конокторду чакырабыз. Алар бизде тарбияланып жаткан таланттуу балдар-кыздардын өнөрлөрүнө күбө болушат. Учурда бизде 21 мугалим 18 ийримден сабак берип келишет. Жылына болжол менен 1000ден ашуун баланы тарбиялайбыз, - дейт Ж. Аманкулова.