Актөбөдө “Паллада” курал саткан дүкөнүнүн ээси Артем Горлаевге карата соттук отурум башталды. Ал өз милдетин ак ниеттүүлүк менен аткарбагандыгы үчүн айыпталууда. Прокуратуранын пикиринде, мунун айынан 5-июндагы кол салуу учурунда 18 курал-жарак ок дарылары менен тартылып алынган.

“Паллада” дүкөнүндөгү окуяда үч адам мерт кеткен.

Прокуратура дүкөндө ИИМ тарабынан бекитилген тартиптер сакталган эмес деп эсептейт. Курал-жарактар трос менен ашталып, кадалган эмес. Ок-дарылар текчеге тизилип коюлбашы керек болчу.

Сотто Артем Горлаевдин жактоочулары ал бардык айыптоолорго макул экенин жана процессуалдык келишим түзүүгө даяр турганын билдиришти.

Актөбөдө 5-июнда эки курал саткан дүкөнгө жана аскер бөлүгүнө куралдуу кол салуу болгон. Бийлик окуяны теракт катары мүнөздөп, бул үчүн диний радикалдарды күнөөлөдө. Кол салууда бир нече адам өлүп, шектүүлөр атайын операция учурунда жок кылынган.