Жалал-Абад ОИИБнын Кылмыш иликтөө бөлүмүнүн мал уурулуктарга каршы күрөшүү тобу тарабынан ыкчам иш аракеттери жүргүзүлүп, натыйжада Жалал-Абад облусунун аймагынан мал уурулук менен алектенип жүргөн бир кылмыштуу топ кармалды. Бул тууралуу ОИИБнын басма сөз кызматы билдирди.

Алынган маалыматка караганда, үстүбүздөгү жылдын 16-августунан 17-августка караган түнү Базар-Коргон районунун Шыдыр айылынын тургуну  А.Н.га таандык  Шыдыр айылынын талаасында, бош жүргөн 1 баш жылкысын 2 баш букаларын белгисиз кылмышкерлер уурдап кетишип, 150 000 сомдук зыян келтиришкен.

Жогорудагыдай окуя 4-сентябрдан 5-сентябрга караган  түнү кайталанып, анда Сузак районуна караштуу, Турк-Абад айыл аймагында И.Х.нын  Ат-Чабар айылында жайгашкан мал сарайынын алдында бош жүргөн 8 баш малдарын белгисиз кылмышкерлер уурдап кетишкедиги  жана жалпысынан 240 000 миң сомдук материалдык зыян келтирилген.

Бул ыкчам маалыматтардын негизинде Алар Ноокен районунун Шайдан айылынын тургуну 20 жаштагы К уулу М,  жана Сузак районунун Күмүш-Азиз айылынын тургуну 24 жаштагы  А.Т. аттуу тургуну экендиги аныкталды. Экөө тең  мурда соттолгондор.  Келтирилген материалдык зыяндар учурда  төлөнүп жана уурдалган малдар  өз  ээлерине кайтарылып берилди.