31-август – Эгемендүүлүк күнүнө карата Жалал-Абад шаарынын борбордук “Эркиндик” аянтында Жалал-Абад ОИИОнын түзүмүндө (ОИИБнын өздүк курамы, СОБР, ККК ОБ, Жалал-Абад ШИИБмү, Атайын багыттагы полк (ПСН), Патрулдук милиция) салтанаттуу жүрүш (Горнизондук развод ) өттү. Бул тууралуу ОИИБнын басма сөз кызматы билдирди.

Алынган маалыматка караганда, аларга кошумча ИИМдин ардагерлери, аялдар жана жаштар коому, элдик кошундар, милициянын жаш достору саптык тизмекте катарды толукташты. Салтанаттуу жүрүшкө КР вице-премьер-министри Жеңиш Разаков, Өкмөттүн Жалал-Абад облусундагы ыйгарым укуктуу өкүлү Жумагул Эгамбердиева, Жалал-Абад ОИИБнын жетекчилиги жана жергиликтүү бийлик өкүлдөрү катышты.

Өздүк курамды вице премьер министр куттуктап, милиция кызматкерлеринин ишмердүүлүгүн жана алардын коомдогу орду өзгөчө экендигине басым жасады. Ошону менен бирге айрым кызматтык милдеттерин так аткарган үлгүлүү милиция кызматкерлерине эл аралык жогорку даражадагы төш белги ыйгарды. Андан соң Жалал-Абад ОИИБнын башчысы Жеңиш Джоробеков өздүк курамга тапшырмаларды коюп, тиешелүү кайгулдоо багыттарына бөлүп, өздүк курамдын жана коомчулуктун өкүлдөрүнүн катышуусундагы салтанаттуу жүрүшү менен аяктады.

Салтанаттуу жүрүштүн негизги максаты – майрам күндөрү милиция кызматкерлери күчөтүлгөн тартипте жумуш алып барышып, коомдук коопсуздукту жана тартипти сактоого, кылмыштуулуктун алдын алууга, ар кандай укук бузууларды болтурбоого жана элдин бепилдигин камсыздоого багытталган.

Бүгүнкү күндө Жалал-Абад облусунун аймагында коомдук абал тынч жана толук көзөмөлдө. Ал эми майрамдык иш-чаралар уланууда.