Алдын ала алынган маалымат боюнча, Жалал-Абад облусунун Базар-Коргон районундагы Монгол айыл аймагынын Оганталаа айлында 2016-жылдын 10-май күнү саат 07:00 чамасында катуу жааган жамгырдын кесепетинен, сел жүрүп, ички чарбалык жолдорду, көпүрөнү, турак жайларды жана короо сарайларды сел суу каптаган. Бул тууралуу КР ӨКМнин басма сөз кызматы билдирди.

Сел калдыктардан Базар-Корнон-Кызыл-Үнкура унаа жолунда унаалардын кыймылы токтотулуп, жол бузулган, тазалоо иштерине ЖЭМ-50 ишканасынан 1 даана жүктөгүч тартылып, жол каттамы ачылды.

Тактоо иштерине райондук Жарандык коргонуу комиссиясы сел болгон аймакка чыгып кетишти, ошондой эле район тарабынан 2 даана жүктөгүч, тез жардам унаасы жана ИИБ кызматкерлери жөнөтүлдү.

Сузак районунун Кара-Дарыя айыл аймагындагы Ак-Мечит айылында алдын ала алынган маалыматтар боюнча, үстүбүздөгү жылдын 9-майынан 10-майына караган түнү катуу нөшөрлөп жааган жамгырдан, облводхоздун балансында турган сугат каналдан суу ашып, болжол менен 7-8 үйдүн короо сарайларына жана айланасын суу каптаган.

Учурда тактоо жана иликтөө иштерине райондук Жарандык коргонуу комиссиясы тарабынан жеринде иштери жүргүзүлүүдө.