Жалал-Абад шаарында ЕККУнун колдоосу менен Ирет коомдук бирикмеси тарабынан өлкөдө тынчтыкты жана туруктуулукту чындоодо жаштардын ролу, экстремизмге жана радикализмге каршы турууда өз ара аракеттенүү жана кызматташуу жолдору деген темадагы жаштар форуму өтүп жатат.

Жалал-Абад шаардык жаштар комитетинин төрагасы Байышбек Ташбаевдин берген маалыматына караганда, аталган форум этника аралык толеранттуулук аны чыңдоо жана Кыргызстанда жаштар арасында аймактык кызматташтыкка көмөк көрсөтүү долбоорунун негизинде 26-27-август күндөрү болот.

Аталган жаштар форумуна Чүй облусунан , Токмок, Ош, Баткен жана Жалал-Абад шаарларынын жана бир катар райондордун жаштар комитетинде иштеген жаш активисттер катышууда. Форумдун алкагында  диний экстремизмге жана радикализмге каршы туруу жана андан тышкары коомдогу жаштар арасындагы глобалдуу проблемалардын алкагында сүйлөшүүлөр жүрөт.

“Чогулган жаштарга дин иштери боюнча мамлекеттик көзөмөлдөө башкармалыгынын түштүк аймактык башкаруусунун өкүлдөрү да катышып, дин боюнча маалыматтарды берүүдө”, - дейт Б.Ташбаев.