Кочкор-Ата шаардык санитардык тазалоо, жашылдандыруу жана көрктөндүрүү ишканасы тарабынан 2016-жылда шаар аймагында жайгашкан мекеме ишканалардан баардыгы  447 м³,  борбордук көчөлөрдөн баардыгы  1 568 м³   жана шаар  тургундарынын үйлөрүнөн баардыгы  2 154 м³ тиричилик таштандылары  шаардын сыртында  жайгашкан таштанды  төгүүчү  жайга ташылып төгүлдү.

Шаардын мэри Кубаныч Эгембердиевдин айтымына караганда, ошондой эле шаар аймагындагы мекеме ишканалардан  88  м³ ЖБО (суюк тиричилик чыгындылары) шылып чыгарылды. Таштанды төгүүчү полигондо жыл ичинде 4 жолу  сүрдүрүү иштери жүргүзүлөт.

Мындан сырткары, таштанды төгүүчү жайларды жана таштанды төгүлүүчү полигонду дизинфекциялоо максатында жыл ичинде 1500 кг гипохлорид порошогу сатылып алынган. Жалпысы: 4 169 м³. (катуу тиричилик чыгындылары) шаардын сыртында  жайгашкан таштанды  төгүүчү  жайга ташылып төгүлдү. Шаар ичиндеги көчөлөрдөн жана мекеме-ишканалардан таштандыларды ташып чыгаруу ишкананын иш планына ылайык, графиктин негизинде жүргүзүлөт.

“Таштандыларды ташып чыгууга  бардык шарты бар үйлөрдө жашаган тургундарга  белгиленген тариф ар бир адамга 16,03 сомдон, жер үйлөрдө жашаган тургундарга  белгиленген тариф ар бир адамга 17,41 сомдон,  ал эми мекеме-ишканаларга ар бир 664,48 сомдон белгиленген”, - дейт К.Эгембердиев.