Бүгүн, 24-август күнү ИИМдин 10-Башкы башкармалыгынын жана Жалал-Абад ОИИБнын 10-бөлүмүнүн кызматкерлери тарабынан алынган ыкчам маалыматтын негизинде, Жалал-Абад облустук казыяттын, жергиликтүү бийлик органдарынын жана коомчулуктун катышуусунда «Хизбут-Тахрир» диний экстремисттик уюмунун активдүү мүчөлөрү жана үгүтчүлөрү жашаган 3 үйдүн дарегине тинтүү жүргүзүлдү.

Жалал-Абад ОИИБнын басма сөз кызматынын берген маалыматына караганда, бул иш-чара облустун аймагында диний экстремизм жана терроризмдин алдын алуу максатында Жалал-Абад шаардык  сотунун санкциясынын негизинде Жалал-Абад шарынын аймагында өтөкрүлдү. Ага калыс катары үй ээлеринин кошуналары, жакын туугандары жана коомдук алдын алуу борборлорунун мүчөлөрү катышышты.

Операция учурунда “Хизбут-Тахрир” диний экстремисстик уюмуна тиешелүүлүгү шектүү катары 9 даана китеп, 22 даана ДВД диск, 8 даана барак, 8 даана дептер, 1 даана брошюра, 3 даана кол телефон, 2 даана сим карта жана 2 даана ноутбук далил буюм катары алынган. (3 үйдөн тең далил буюмдар чыкты)

Жогорудагы факты боюнча топтолгон материалдар катталып, соттук-теологиялык экспертиза дайындалып тергөө жүрүүдө.