Кочкор-Ата шаар мэриясынын бюджетинин кирешелери 2016-жылдын 6-айына салык эмес жыйындарды кошо эсептегенде 37 836 700 сомго пландаштырылып, 47 311 100 сомго  125,1 пайызга аткарылды. Бул тууралуу шаар мэри Кубаныч Эгембердиев билдирди.

Анын берген маалыматына караганда, шаардын 2016-жылдын бюджетинин чыгаша бөлүгү 2016-жылдын 6-айына 43 127 700 сом болуп план белгиленсе,  факт боюнча бардык чыгашалар 20 110 350 сомду, же 46,6 пайыз түздү.

"Муниципалдык менчикти башкаруу департаментинин 2016-жылдын 6-айында аткарган жумушу боюнча токтолсом, сатып алуу бөлүмү тарабынан мамлекеттик электрондук сатып алууга 22 769 383 сомдук  19 конкурс  жарыяланып, анын ичинен 6 конкурс эки жолудан кайталанып жарыя берилип, жалпы 9 конкурстун жеңүүчүсү аныкталды, 7 261 027 сомдук жумушка келишим түзүлүп, 2 125 742,8 сом акча каражаты үнөмдөлгөн. Жарыяланган конкурстардан 3 конкурс өтпөй калды, жеңүүчү деп табылган жеке ишкерлер тарабынана жумуш аткарылууда.", - дейт К.Эгембердиев.