Быйыл сентябрь айында өтүүчү II Бүткүл дүйнөлүк көчмөндөр оюндарынын алкагында өтө турган “Көчмөндөр ааламы” этномаданият фестивалында Жалал-Абад шаарынын өкүлдөрү көчмөн элдеринин кийимдерин көрсөтүшмөкчү. Бул тууралуу шаар мэриясынан билдиришти.

Алынган маалыматка караганда, этномаданият фестивалы учурунда бир нече боз үйлөр тигилип, көчмөн элинин маданиятын көрсөткөн көчмөн элинин кийимдери, ушуга байланышкан этникалык маданияты көрсөтүлмөкчү. Ал эми шаар бийликтери тарабынан бул иш-чарага үчүн жергиликтүү бюджеттен 321 миң 500 сом бөлүнүп берилди.

- Кийим кийүү маданияты – көчмөн элдеринин жалпы маданиятынын бир бөлүгү. Ошондуктан биз этномаданият фестивалында көчмөндөрдүн ушул өзгөчөлүгүн көрсөтүүнү максат кылдык. Менимче, этномаданият фестивалынын көрүүчүлөрү үчүн бул абдан кызыктуу болот деп ойлойбуз, - дейт шаардын вице-мэри Турдалы Темирбаев.

Бүгүнкү күндө шаардын маданият кызматкерлери фестивалга катышуу менен жакшы баага татыктуу программаны даярдоо үчүн кызуу камылга көрүп жатышат.