Туура бир жыл мурун Кыргызстандын аталган экономикалык уюмдун курамына расмий түрдө мүчө болуусу тууралуу келишим күчүнө кирген.

Былтыр 12-августта кыргыз-казак чек арасындагы бажы бекеттери алынып, өлкө ЕАЭБдин шарттары менен жашай баштары, ага ылайык кыргызстандыктар биримдиктин алкагында эркин иштөө, жүрүү укугуна ээ болуп, өндүргөн товарларын сата алары айтылган.

Андан соң бажы жана фитосанитардык көзөмөл алынган. Бирок Казакстан жашылча-жемиш, азык-түлүк өткөрүүгө маал-маалы менен чектөө киргизип жатат. Кыргыз бийлиги өлкөнүн Евразия экономикалык биримдигине кошулушу боюнча бир катар көйгөй бар экенин моюнга алып келет.